پێنج کەس بە تۆمەتی بازرگانی و بەکارهێنانی ماددەی هۆشبەرە دەستگیرکران

SNN

بەڕێوەبەرایەتی ئاسایشی رۆژئاوای سلێمانی رایگەیاند: “پێنج کەس بە تۆمەتی بەکارهێنان و بازرگانیکردن بە ماددەی هۆشبەر دەستگیرکراون”.

لە راگەیەندراوێکدا کە ئەمڕۆ چوارشەممە، بەڕێوەبەرایەتی ئاسایشی رۆژئاوای سلێمانی بڵاویکردووەتەوە، ئەوە خراوەتەڕوو: “تۆمەتبارەکان لە ماوەی دوو هەفتەدا لە چەمچەماڵ و بازیان و شۆڕش دەستگیرکراون”.

راشیگەیاند: “تۆمەتبارێکیان بە رەگەز (مێ) یەو بازرگانی کڕین و فرۆشتنی بە مادەی هۆشبەرەوە کردوە، چوار کەسەکەی دیکەش بەکارهێنەری مادەی هۆشبەرن”.

لەلایەن بەشی ماددە هۆشبەرەکانی بەڕێوەبەرایەتیمانەوە پەڕاوی لێکۆڵینەوەیان بۆ رێکخراوە و بە فەرمانی دادوەری دادگای لێکۆڵینەوەی چەمچەماڵ بەپێی مادەی (١٤) هۆشبەر راگیراون و لێکۆڵینەوە لە دۆسێکانیان بەردەوامە.