خشتەی لێبڕینی مووچەی مامۆستایان و فەرمانبەران بڵاوكرایەوە

SNN

بەپێی نووسراوێكی وەزارەتی پەروەردە، بۆ ئەم مانگە بەپێی خشتەیەكی دیاریكراو مووچەی مامۆستایان دەبڕێت و ڕێژەكە بەپێی پلەبەندی مامۆستاكە دەبێت.

نوسراوەکە ئەمڕۆ شەممە بڵاوکراوەتەوە و واژووی مەریوان بەگۆك عەزیز بەڕێوەبەری گشتی دیوانی وەزارەتی پەروەردەی لەسەرە و بۆ پەروەردەی سەرجەم شارەكان نێردراوە، تیایدا خشتەیەک بۆ رێکخستنەوەی مووچە خراوەتەڕوو.

لە خشتەكەدا هاتووە، پلە تایبەتی ئەی و بی %50ـی مووچەكانیان دەبڕێت و پلە یەك %28ـی مووچەكەی دەبڕێت، پلە دوو %27ـی مووچەی دەبڕێت و پلە سێ‌ %24ـی مووچەی دەبڕێت، پلە چوار %22 مووچەی دەبڕێت و پلە پێنج %20ـی مووچەكەی دەبڕێت، پلە شەش %18ـی مووچەكەی دەبڕێت و پلە حەوت %17ـی مووچەكەی دەبڕێت، پلە هەشت %13ـی مووچەكەی دەبڕێت و پلە نۆ %5 مووچەكەی دەبڕێت.

لە نووسراوەكەدا ئاماژە بەوەشکراوە، پلە 10 هیچ مووچەیەكی نابڕێت و فەرمانبەر و مامۆستایانی گرێبەست لە %21ـی مووچەكەیان دەبڕێت.

لە کۆتایی نوسراوەکەدا هاتووە، نابێت هیچ مووچەیەک لە 300 هەزار دینار کەمتر بێت.