ڤیدیۆ: بەرشەلۆنە دوو خاڵی تری لەدەستدا

SNN Sport

لە خولی ئیسپانیاو لە یارییەکانی هەفتەی 32 دا، یانەی بەرشەلۆنە دوو خاڵی تری لەدەستداو 2-2 لەگەڵ یانەی سەلتاڤیگۆ یەکسانبوو.

یاریەکە لە یاریگای سەلتاڤیگۆ ئەنجامدرا،سەرەتا لویس سوارێز بەرشەلۆنەی لە خولەکی 20 بە گۆڵێک پێشخست و گێمی یەکەم بەو تاکە گۆڵە بە سوودی یانە کەتەلۆنیەکە تەواوبوو.

لە گێمی دووەم لە خولەکی 50 سمۆلۆڤ توانی ئەنجامەکە بۆ یانەی سەلتاڤیگۆ یەکسان بکاتەوەو یارییەکە بووە 1-1.

دواتر لە خولەکی 67 لویس سوارێز توانی گۆڵی دووەم و پێشکەوتنی یانەکەی بکات.

بەڵام ئەمجارەش سەلتاڤیگۆ بە ئەنجامەکە رازی نەبوو، هێرشبەری یانەکە ئەسپاس توانی گۆڵی دووەم و یەکسانبوونەوە لە خولەکی 88 بکاتەوەو یانەی بەرشەلۆنە بە یەکسانبوونی 2-2 ناچار بکات.

بەمەش یانەی بەرشەلۆنە دوو خاڵی تری لە خولەکە لەدەستدا، خاڵەکانی بووە 69 خاڵ، ئەگەر سبەی شەو یانەی ریاڵ مەدرید لە یانەی ئیسپانیۆل بباتەوە، جیاوازی خاڵەکانیان دەبێتە دوو خاڵ .

یانەی سەلتاڤیگۆ بەم خاڵە لە پلەی 16 دێت بە 34 خاڵ.