وەزارەتی كاروباری شەهیدان بڕیاریدا لەسەرشێوازی لە%21 مووچەی فەرمانبەرانی ببڕێت

SNN-عەلی حەمە سەعید

هاوشێوەی وەزارەتەكانی دیكەی حكومەتی هەرێم، ئەمڕۆ بەنوسراوێكی فەرمی كە واژۆی وەزیری كاروباری شەهیدان و ئەنفالكراوانی لەسەرە، بڕیاری لەسەر شێوازی لێبڕنی لە %21 ی مووچە و شایستە داراییەكانی مووچەخۆران و فەرمانبەرانی سەر بە وەزارەتەكەی تیادا روونكردووەتەوە.

بەگوێرەی نوسراوەكەی وەزارەتی كاروباری شەهیدان و ئەنفالكراوان كە ئەمڕۆ 28ی حوزەیران دەرچووە و وێنەیەكی دەست SNN كەوتووە و واژۆی (عەبدوڵا حاجی مەحمود) وەزیری كاروباری شەهیدان و ئەنفالكراوانی لەسەرە ئەوە خراوەتەڕوو، ئاماژە بەڕێنمایی وەزارەتی دارایی ژمارە (11) بە نوسراوی ژمارە (4182) لە 25/6/2020 بڕیارماندا بە:

1. بڕینی لە %50 لە مووچە و شایستە داراییەكانی پلە تایبەتەكان.

2. رێژەی بڕینی لە %21 بە شێوەیەكی گشتی لە مووچەی سەرجەم فەرمانبەرانی وەزارەتمان( گرێبەست و هەمیشەیی).
3. خەرجكردنی رێژەی لە (%100) بۆ ئەو فەرمانبەرانەی كە مووچەكانیان لە 300 هەزاردینار كەمترە.
4. ئەم فەرمانە بۆ مووچە و شایستەی دارایی مانگی شوباتی 2020 جێبەجێدەكرێت.