شانەی قەیرانەکانی عێراق: کار لەکار ترازا ئینجا حکومەت 50 ملیار دیناری بۆ نەهێشتنی کۆرۆنا تەرخانکرد

SNN–

سەرۆکی شانەی قەیرانەکانی عێراقی سەر بە ئەنجومەنی نوێنەران رەخنە لەدابینکردنی بڕی ئەو 50 ملیار دینارە دەگرێت کەحکومەت بۆ رووبەڕووبوونەوەی کۆرۆنا تەرخانیکردووە و دەڵێت: “تازە کار لەکار ترازاوە”.

حەسەن کەعبی دەڵێت: “پاش گیانلەدەستدانی سەدان هاوڵاتی بەڤایرۆسی کۆرۆنا بەهۆی نەبوون و کەمیی ئۆکسجینەوە ئینجا حکومەت پارە بۆ نەهێشتنی پەتاکە خەرجدەکات”.

کەعبی دەشڵێت: “درەنگ وەڵامدانەوەمان لەلایەن حکومەتی عێراقەوە بەدابینکردنی پارە و ئۆکسجینی پێویست و دامەزراندنی کەرمەندی شارەزا، وای کرد ئەو هەموو قوربانییە لەڕیزی هاووڵاتیاندا بکەوێتەوە”.

ئەنجومەنی وەزیرانی عێراق رۆژی پێنجشەممەی رابردوو بڕی 50 ملیار دیناری بۆ وەزارەتی تەندروستی خەرجکرد بۆ نەهێشتن و رووبەڕووبوونەوەی پەتای کۆرۆنا.

تائێستا لەعێراق 49 هەزار و 109 کەس تووشی کۆرۆنا بوون و 1943 کەسی دیکەش بەهۆی ڤایرۆسەکەوە گیانیان لەدەستداوە.