122 پێشنیار له چوارچێوهى پرۆژهى لامهركهزیهتى سلێمانیدا ئاراستهى حكومهت دهكرێن
پارێزگاى سلێمانى | فۆتۆ: Ranja
ئهندامێكى ئهنجومهنى پارێزگاى سلێمانى رایدهگهیهنێت: پرۆژهى لامهركهزیهتى سلێمانى كه 122 پێشنیار لهخۆدهگرێت تهواوبووه.
رێكهوت زهكى، ئەندامی ئەنجومەنی پارێزگای سلێمانی لهبارهى تهواوكردنى پرۆژهى لامهركهزیهتى سلێمانى دهڵێت: “ئەمڕۆ لەگەڵ ھاوڕێیانم لە لیژنەی ئامادەکاری پرۆژەی لامەرکەزی کارگێڕی و دارایی، پرۆژەکەمان لەدوتوێی 32 لاپەڕەدا تەواو کرد کە 122 پێشنیاز لە بوارەکانی دارایی، سامانە سروشتییەکان، دەسەڵاتی پێویست بۆ پارێزگا و ئیدارە سەربەخۆکان، بەڕێوەبەرایەتییە گشتییەکان، فەرمانگەکانی پۆلیس، شارەوانی و فەرمانگە خزمەتگوزاریەکان لەخۆدەگرێت”.
وتیشى: “بە ھیوام پرۆژەکە بچێتە بواری جێبەجێکردنەوە و پارێزگاکانی سلێمانی و ھەڵەبجە و ئیدارەکانی گەرمیان و ڕاپەڕین بباتە قۆناغێکی دیکە لەبوژاندنەوە”.
پێشتر رێكهوت زهكى به (SNN)ى راگهیاندبوو: “لهگهڵ تهواوكردنى پرۆژهكه ئاراستهى حكومهتى ههرێم دهكرێت، بۆ ئهوهى تاوتوێ بكرێت”.
ماوهى زیاتر له چوار مانگه لیژنەی ئامادەکاری پرۆژەی لامەرکەزی کارگێڕی و دارایی سلێمانى دهستى به كارهكانى كردووه، ئهو لیژنهیه به مهبهستى ههماههنگى كردن له ماوهى رابردوودا سهردانى ئیدارهكانى گهرمیان و ڕاپهڕین و پارێزگاى ههڵهبجهیان كرد به مهبهستى وهرگرتنى بۆچوونیان لهسهر پرۆژهكه و ههمووان كۆكبوون لهسهر ئهوهى كه لامهركهزییهت سوود به داهاتووى سلێمانى و گەرمیان و ڕاپەڕین و ههڵهبجه دهگهیهنێت.
