لە ناحیەیەکی دهۆک گردبوونەوەی ناڕەزایی بەڕێوەچوو
شاری دهۆک فۆتۆ: محەمەد حاجی
SNN-مەودا مستەفا
بەشێک لە جوتیاران بەهۆی وەرنەگرتنی گەنمەکانیان لەلایان سایلۆی ناحییەی ڕۆڤیا گردبوونەوەیان ئەنجامدا و لە گردبوونەوەکەدا داوایان کرد بەشە گەنمی ئەمساڵیان لێ وەربگیرێت.
عەلی مەسعود یەکێک لە جووتیارەکان بە SNNی راگەیاند: ئەمڕۆ لێرە گردبووینەتەوە بەهۆی ئەوەی سایلۆی ناحییە ڕۆڤیا گەنممان لێوەرناگرێت، چەندان جاریش بەرێوبەری سایلۆی ڕۆڤیا بەڵێنی پێداوین کە بەشە گەنمەکانمان لێ وەربگرێت بەڵام هیچ کام لە بەڵێنەکانی نەبردووەتە سەر .
وتیشی: “ناکرێت بەرهەمی رەنج و ماندبوونی یەک ساڵمان بەفیرۆ بجێت، ئەمە لەکوێی دونیا هەبووە”.
ئەو جووتیارانە ژمارەیان زیاتر لە دوو سەد جووتیارە و لە سنووری ناحیەی ڕۆڤیا کاردەکەن کە دەکەوێتە سنووری پارێزگای دهۆک.
