ئەو دوو کەسەی شەوی رابردوو تەقەیان لە پۆلیسی هەولێر کرد دەستگیرکران

SNN-مەودا مستەفا

شەوی رابردوو دووکەس تەقەیان لە پۆلیسی هەولێر کردوو، دواتر دووکەس بەتۆمەتی تەقەکردنەکە دەستگیرکران.

هۆگر عەزیز وتەبێژی پۆلیسی هەولێربە SNNی ڕاگەیاندن: هێزەكانی بەڕێوەبەرایەتیی پۆلیسی هەولێر، دوێنێ كاتژمێر (2:30) شەو لەناو بازاڕی قەیسەری، لە كاتی ئەركی فەرمیی خۆیان، لەگەڵ دوو تۆمەتبار بە ناوەكانی (ح.ل.ح) و (م.ف.ا) رووبەڕووبوونەوە، كە پێشینەی تاوانیان هەبوو و ئەفسەرێك و دوو كارمەندیش زۆر بەبوێرانە و سەرەڕای برینداربوونیان، توانییان بەرەنگاری دوو تۆمەتبارەكە ببنەوە و بە هاوبەشی لەگەڵ تیمەكانی پۆلیسی هەولێر، دەستگیریان بكەن.

وتیشی ، “تۆمەتبارەكان بەئاڕاستەی پێچەوانە ئۆتۆمبێلیان لێخوڕیوە و بە چەكی جۆری كڵاشینكۆف “75”ی و دەمانچەیەكی جۆری (تارق) تەقەیەكی زۆریان كردبوو و رووبەڕووی پۆلیس ببوونەوە، بەڵام هێزەكانی پۆلیسی هەولێر، دەستبەجێ لێیان هاتنە دەست و وێڕای دەستگیركردنی تۆمەتباران، دەست بەسەر چەكەكان و ئۆتۆمبێلەكەشیاندا گیرا، ئێستاش تۆمەتباران بەپێی ماددە (405/31) لە یاسای سزادان، بەندكراون و رووبەڕووی یاسا كراونەتەوە.