رۆسێل: جارێكی تر واژۆ لهگهڵ نەیمار دهكهم
رۆسێل و نەیمار
SNN Sport
ساندرۆ رۆسێل سهرۆكی پێشووی یانهی بهرشەلۆنه روونیكردهوه له ئهگهری ئهوهی له ئێستادا بهرپرس بووایه له تیپه كهتهلۆنیهكه ، ئهوه جارێكی تر نەیمار دهگهرێنێتهوه بۆ ریزی یانەکە.
رۆژنامهی (سپۆرت)ی ئیسپانی لێدوانهكانی رۆسێڵی بڵاوكردهوه كه وتویەتی” واژۆکردنی گرێبەست له گهڵ نەیمار جارێكی تر دهكهمهوه ، چونكه له پاڵ میسی ئهو تهنیا یاریزانه كه دهتوانێت جیاوازی درووست بكات ” .
ههروهها وتی ” كهسایەتییهكی مهزنی ههیه له سهر یاریگا ، بێگومان وا له نەیمار دهكهم دوو گرێبهست واژۆ بكات ، یهكێكیان وهرزشی و ئهوه ی تریش رهوشتی بێت “.
واش بریاره ههڵبژاردنهكانی سهرۆكایهتی بهرشەلۆنه پاش كۆتایی وهرزی 2021 داهاتوو ئهنجامبدرێت .
