تورکیا: هاوکاری پزیشکیمان گەیاندووەتە زیاتر لە 130 وڵات
SNN
وه‌زیری ده‌ره‌وه‌ی توركیا رایگەیاند لە سەرەتای بڵاوبوونەوەی کۆرۆناوە تا ئێستا تورکیا هاوکاری پزیشکی گەیاندووەتە زیاتر لە 130 وڵات.
مه‌ولود چاوشئۆغڵو ئەمڕۆ له میانی به‌شداریكردنی له كۆبوونه‌وه‌یەکی لە پارێزگای ئانتالیا، باسی له‌وه كرد “توركیا له سایه‌ی ئه‌و رێوشوێنانه‌ی گرتوویەتیەبەر له به‌ره‌نگاربوونه‌وه‌ی په‌تای ڤایرۆسی كۆرۆنای بووه‌ته یه‌كێك له سه‌ركه‌وتووترین وڵاته‌كان”.
وتیشی: “ئێستا تورکیا یه‌كێكه له‌و وڵاتانه‌ی له جیهاندا خاوه‌ن باشترین سیستمی ته‌ندروستیی و ژێرخانه و تا ئه‌‌مڕۆ هاوكاری پزیشكیمان گه‌یاندووه‌ته 137 وڵات. هاوكاری زیاتر بۆ ئه‌و وڵاتانه ده‌نێرین كه ئاماره‌كانی په‌تاكه تیایاندا له به‌رزبوونه‌وه‌دایه”.
تا ئێستا زیاتر لە 204 هەزار کەس لە تورکیا تووشی ڤایرۆسی کۆرۆنابوون زیاتر لە پێنج هەزار و 200 کەسیش بەوهۆیەوە گیانیان لەدەستداوە.
