لەبەرامبەر سەوزە و میوە عێراق نەوت دەداتە لوبنان

SNN–

وەزیری وزە و ئاوی لوبنانی ئەمڕۆ یەکشەممە 5ی تەمموز وتی: “وەفدی عێراق بەسەرۆکایەتی وەزیری نەوت لەگەڵماندا رێککەوتووە کە بەنرخێکی زۆر کەمتر نەوتمان پێ بفرۆشێت”.

ریمۆن غەجەر وەزیری وزەی لوبنان و ئیحسان عەبدولجەبار وەزیری نەوتی عێراق بۆ تاوتوێکردنی هەندێک پرس لەشاری بەیروتی لوبنان کۆبونەوە.

هاوکات بەوتەی وەزیری کشتوکاڵی لوبنان، بەغدا و بەیروت رێککەوتوون کە بەشێوەی کاڵا بە کاڵا نەوت بە خواردن و سەوزە بگۆڕنەوە.

چاودێرانی خۆراک و ئابووری عێراق ناڕازاین لەو رێککەوتننامەیەی نێوان بەغدا و بەیروت و پێیانوایە ئەو جۆرە مامەڵەیە لەسەر حسابی جوتیار و بەرهەمی کشتوکاڵی عێراق کراوە و زیانی زۆر بە کەرتی ئابوری خۆراک دەگەیەنێت.