كۆتایی ئەم هەفتەیە شاندی حكومەتی هەرێم دەچێتەوە بەغداد
فۆتۆ ئەرشیف
SNN- مەودا مستەفا
بڕیارە كۆتای ئەم هەفتەیە شاندێكی حكومەتی هەرێمی كوردستان بە سەرۆكایەتی قوباد تاڵەبانی و وەزیری دارای و ژماریەك بەرپرسی وەزیری دیكەی هەرێمی كوردستان سەردانی بەغداد بكەنەوە بەمەبەستی رێكەوتنی نێوان هەرێم و بەغداد.
سەرچاوەیەك لەشاندەكە بەsnnی ڕاگەیاند: بڕیارە ڕۆژی چوارشەممە یاخود پێنجشەمە شاندەكەی حكومەتی هەرێمی كوردستان سەردانی بەغداد بكاتەوە لەگەڵ بەرپرسانی بەغداد كۆدەبنەوە بەمەبەستی گەیشتن بە رێكەوتن لەسەرە ناردنی مووچەی شایستە داراییەكانی هەرێمی كوردستان.
ئەو سەرچاوەییە وتیشی “شاندەكە بە سەرۆكایەتی قوباد تاڵەبانی جێگری سەرۆكی حكومەت و ئاوات شێخ جەناب وەزیری دارایی و دارا رەشید وەزیری پلاندان و ئامانج رەحیم و سكرتێری ئەنجومەنی وەزیران و ئومێد سەباح سەرۆكی دیوانی سەرۆكایەتی ئەنجومەنی وەزیران دەبێت لە بەغدا جگە لەسەرۆكی ئەنجومەنی وەزیران ژماریەك كۆبوونەوەی دیكەشیان دەبێت”.
ئەمە سێیەمین جارە شاندی حكومەتی هەرێمی كوردستان دەچێتە بەغداد بەمەبەستی رێكەوتنی نێوان هەولێر و بەغداو بە وتەی بەرپرسانی حكومەتی هەرێمیش بێت بۆچوونی هەردولا یەكتری نزیكەوە تەنها هەندێ: پرس نەبێت كە هێشتا گفتوگۆی لەسەر نەكراوە.
