لەبارەی تاقیکردنەوەکانی قۆناغی 12 پەروەردە چەند بڕیارێکی دەرکرد

SNN

وەزارەتی پەروەردەی هەرێم لەبارەی بەڕێوەچوونی  تاقیکردنەوەکانی قۆناغی 12ی ئامادەیی چەند بڕیارێکی دەرکرد، لە نێویشیاندا لە هەموو ئاستەکانی بەرپرسیارێتی سەردان و بەسەرکردنەوەی ناو هۆڵی تاقیکردنەوەکان رێگەپێدراو نیە.

لە فەرمانە وەزارییەکەدا هاتووە، لە هەموو ئاستەکانی بەرپرسیارێتی سەردان و بەسەرکردنەوەی ناو هۆڵی تاقیکردنەوەکان رێگەپێدراو نیە دەکرێت بەرپرسی یەکە ئیدارەییەکان و پەروەردەکان (وەزیر، بریکاری وەزیر، بەڕێوەبەرە گشتییەکان، بەڕێوەبەری پەروەردەی قەزاکان، سەرپەرشتیاران سەردانی کارگێڕی ناوەندی تاقیکردنەوەکان بکەن.

ئاماژەش بەوەکراوە بەڕێوەبەری هۆڵ و یاریدەدەر و مامۆستایانی چاودێر رێگایان پێ نادرێت مۆبایل ببەنە ناو هۆڵەکانی تاقیکردنەوە، دەتوانن مۆبایلەکانیان لە ئیدارەی ناوەندی تاقیکردنەوەکان دابنێن.

بە گوێرەی کۆتا بڕیاریش رووماڵکردنی هۆڵی تاقیکردنەوە گشتییەکان لەلایەن میدیاکانەوە قەدەغەیە.