جوتیارە رفێندراوەکەی کەرکوک لەدیالە هەڵهات

SNN-عیماد جەباری

دوای چوار رۆژ لەرفاندنی، جوتیارە کوردەکەی سنووری ناحیەی پردێی کەرکوک لەشاری بەعقوبە لەدەست رفێنەرەکانی هەڵهات.

بەپێی ئەو زانیاریانەی دەستی SNN کەوتوە، فازڵ محەمەد کەریم تەمەن 70 ساڵ دوای ئەوەی ئێوارەی رۆژی دووشەممە 6ی تەمموز لەنێو کێڵگەکەی لەگوندی کۆڵدەرە دەڕفێنرێت، دەبرێتە شاری بەعقوبە لەدیالە و بەرامبەر ئازادکردنیشی داوای پارەیان لەکوڕەکەی کردووە.

بەپێی ئەو زانیاریانەی لەپۆلیسی کەرکوکەوە دەستکەوتون، ئەو هاووڵاتییە توانیوێتی لەدەستی رفێنەرەکان هەڵبێت و خۆی رادەستی پۆلیسی دیالە بکات.

دوای ئاگادارکردنەوەی کەسوکارەکەشی، بڕیارە ئەمڕۆ بیگەڕێننەوە بۆ شاری کەرکوک.

فازڵ محەمەد تەمەن 70 ساڵ خاوەن کێڵگەکەی سنوری ناحیەی پردێ، لەبەعقوبە توانی لەدەستی رفێنەرەکان هەڵبێت و خۆی رادەستی پۆلیسی دیالە بکات.

ئێوارەی رۆژی دووشەممە 6ی تەمموز لەلایەن ژمارەیەک چەکداری نەناسراوەوە فازڵ محەمەد لەنێو کێڵگەکەی لەسنووری ناحیەی پردێی باکووری کەرکوک رفێندراوە، بۆ ئازادکردنیشی داوای بڕە پارەیەک لەکوڕەکەی کرا کە سەرمایەدارە.