ئەندامێکی سەندیکای رۆژنامەنووسانی کوردستان بە کۆرۆنا گیانی لەدەستدا

SNN-عەلی حەمەسەعید

لە ئەنجامی تووشبوونی بە ڤایرۆسی کۆرۆنا و دوای چوار رۆژ مانەوەی لە نەخۆشخانە، ئەندامێکی لقی هەڵەبجەی سەندیکای رۆژنامەنووسانی کوردستان کە دانیشتووی قەزای سەیدسادقە گیانی لەدەستدا.

ئیبراهیم هەورامانی، بەرپرسی لقی هەڵەبجەی سەندیکای رۆژنامەنووسانی هەڵەبجە بۆ SNN ئەوەی خستەڕوو: بەهادین حەسەن، تەمەن 50 ساڵ، ئەندامی لقی هەڵەبجەی سەندیکای ڕۆژنامەنووسان ئەمڕۆ بەهۆی تووشبوونی بە ڤایرۆسی کۆرۆنا گیانی لەدەستداوە.

لای خۆیەوە تەها ئەحمەد، لێپرسراوی راگەیاندنی قایمقامیەتی قەزای سەیدسادق بە SNN ی راگەیاند: بەهادین حەسەن پاش مانەوەی بۆماوەی چوار ڕۆژ لە نەخۆشخانەی تایبەت بە کۆرۆنا لە قەزای سەیدسادق گیانی لەدەستدا.

ئەمەش 13هەمین حاڵەتی گیان لەدەستدانە به‌ ڤایرۆسی کۆرۆنا که‌ دانیشتووی قه‌زای سەیدسادق بێت.