یاریدەدەری تایبەتی بەغدادی دەستگیرکرا
وێنەی بەغدادی و یاریدەدەرێکی کە لەلایەن داعشەوە بڵاوکرابووەوە
SNN-عیماد جەباری
لە بۆسەیەکی هێزە تایبەتەکانی عێراقدا یاریدەدەری تایبەتی ئەبوبەکر بەغدادی سەرکردەی کوژراوی داعش لە کەرکوک دەستگیرکرا.
سەرچاوەیەکی لە پۆلیسی کەرکوک بە SNNی راگەیاند: ئەو یاریدەدەرەی بەغدادی کەوتوەتە بۆسەی هێزێکی تایبەتی لیوای 61ی سەرۆک وەزیران لە بازگەی کەیوەنی رۆژئاوای کەرکوک.
وتیشی: دەستگیرکراوەکە ناوی فەرحان خزەیر جاسمە، پێشتر یاریدەدەری تایبەتی ئەبو بەکر بەغدادی بووە و پرۆسەی دەستگیرکردنەکەشی لەسەر بنەمای زانیاری هەواڵگری ئەنجامدراوە.
لە 26ی تشرینی یەکەمی ساڵی رابردوودا هێزەکانی هاوپەیمانان بە سوودوەرگرتن لە زانیارییەکانی هێزەکانی سوریای دیموکرات، لە بۆردومانێکدا بەغدادییان لە ئیدلیب کردە ئامانج.
