كاسیاس نزیكه له گهڕانهوه بۆ بێرنابیۆ
ئیکەر کاسیاس
SNN Sport
رۆژنامهی ( ئاس)ی ئیسپانی راگهیاند كه ئیكهر كاسیاس گۆڵپارێزی پێشووی ریاڵ مهدرید جارێكی تر دهگهرێتهوه بۆ یانهی شاهانه بهرۆڵێكی جیاوازتر لەوەی پێشوو.
ئهو سهرچاوهیه روونیكردهوه كه پاش پێنج ساڵ له جێهێشتنی ریاڵ مهدرید ، ئهم جاره كاسیاس دهگهرێتهوه بۆ ئهوهی ببێته راوێژكاری فلۆرنتینۆ پێرێز سهرۆكی یانهی ریاڵ مهدرید و دووپاتی كردهوه كه پێرێز دهیەوێت كاسیاس نزیك بێت لێی و رۆڵێكی هاوشێوهی رۆڵی راهێنهری ئێستای یانهكه زینهدین زیدانی دهبێت ، كه له سهرهتای كاروانهكهی له ریاڵ مهدرید له پۆستی كارگێڕیدا بوو .
ههروهها رۆژنامهكه وتی:” كاسیاسی تهمهن 39 ساڵ ، چاوهڕوانه یانهی پۆرتۆ دوایین یاری خۆی لهم وهرزه ئهنجام بدات لهگهڵ بهنفیكا له یاری كۆتایی جامی پۆرتوگال لهم مانگهدا ، له پێناو ئهوهی كاروانهكهی لهگهڵ یانه پۆرتوگالیهكه كۆتایی پێ بێت به شێوهیهكی كۆتایی”.
