دیارترین سەرکردەی شانە نووستووەکانی داعش لەکەرکوک دەستگیر کرا
وێنەی ساتی دەستگیر کردنەکە
SNN- عیماد جەباری
هێزە سەربازییەکانی عێراق دەستگیر کردنی یەکێک لە دیارترین سەرکردەی شانە نووستووەکانی گەووپی چەکداریی داعش-ی لەنێو کەرکوک راگەیاند.
جەودەت عەسافی وتەبێژی لیوای 16ی حەشدی شەعبی بە SNNی راگەیاند: لە پڕۆسەیەکی کەم وێنەدا بەهاوبەشی لەگەڵ لیوای 61ی تایبەت توانرا چەکدارێکی داعش دەستگیر بکرێت کە ناوی ( ل.س.ز ) و خەڵکی گوندی ماوی ناحیەی سلێمان بەگ-ە.
وتیشی: “دەستگیر کراوەکە لەنێو گەڕەکی رزگاری دەستگیر کرا بەیەکێک لەدیارترین سەرکردەی شانە نووستووەکانی داعش دادەنرێت لەشارەکەدا”.
