بۆمبێکی نەتەقیوی جەنگی دووەمی جیهانیی لە وێستگەیەکی شەمەندۆفێر لەهۆنگ کۆنگ دۆزرایەوە

SNN-

دۆزینەوەی بۆمبێکی نەتەقیوی رۆژانی جەنگی دووەمی جیهانیی بووەهۆی گواستنەوەی 2000 هاووڵاتی لەهۆنگ کۆنگ لەنزیک وێستگەیەکی شەمەندۆفێر.

رۆژنامەی ساوز چاینا مۆرنینگ پۆست-ی چینی بڵاویکردەوە “رۆژی پێنجشەممە لەوێستگەی شەمەندۆفێری کای تاک بەشێوەیەکی کاتیی و بۆ پاراستنی گیانیان، دەوامی سەرجەم فەرمانبەرانی وێستگەکە راگیراوە”.

بۆمبەکە درێژییەکەی نزیکەی یەک مەتر بووە و 30 سانتیمەتریش چێوەکەیەتی و کاتی خۆی بەقووڵیی 10 مەتر لەژێر زەویدا دانراوە بۆ تەقینەوە.

بۆمبەکە لە تەنیشت سکەی شەمەندۆفێرەکەوە بووە و پووچەڵکردنەوەشی زیاتر لە سێ کاتژمێری پێچووە، سەر لەبەیانی ئەمڕۆش هەینی ژیان و کار گەڕاوەتەوە بۆ ناوچەکە کەبەهۆیەوە دەسەڵاتداران 2000 هاووڵاتییان لەنزیک شوێنی بۆمبەکە دوورخستبۆوە.

شوێنی دۆزینەوەی بۆمبەکە