75 کەسی دیکە لە عێراق بە کۆرۆنا گیانیان لەدەستدا

SNN

وەزارەتی تەندروستیی عێراق تووشبوونی 2049 کەسی دیکەی بەکۆرۆنا لە 24 کاتژمێری رابردوو راگەیاند، هاوکات 1997 هاووڵاتیش لە ڤایرۆسەکە چاکبوونەتەوە.

راشیدەگەیەنێت لەئەنجامی وەرگرتنی 15 هەزار و 229 سامپڵ بۆ ئەمڕۆ ئەو ژمارەیە تووشی کۆرۆنا بوون و کۆی نموونە وەرگیراوەکان تائێستا  777 هەزار و 287 نموونەن.

دەشڵێت: “1997 کەس هەر ئەمڕۆ چاکبوونەتەوە و کۆی ژمارەی چاکبووەوان تا ئێستا 58 هەزار و  492کەسە کە بەتەواویی ڤایرۆسەکەیان تێپەڕاندووە”.

هاوکات و لە راگەیەنراوەکەدا ئەوەش هاتووە: “ئەمڕۆ شەممە 18ی تەمموز 75 کەسی تر گیانیانلەدەستداوە بەکۆرۆنا و کۆی گشتی مردووان 9136 هاووڵاتییە”.

وەزارەتی تەندروستیی عێراق دەشڵێت: “تا ئەمڕۆ 90220 کەس تووشی ڤایرۆسی کۆرۆنا بوون و398 کەسی دیکەش لەژێر چاودێریی وردی پزیشکیدان”.