نێچیرڤان بارزانى: ههرگیز چاكه و هاوكارییهكانى ئێران لهبیر ناكهین
نێچیرڤان بارزانى، سهرۆكى ههرێم | فۆتۆ: SNN
كهمێك لهمهوبهر سهرۆكى ههرێمى كوردستان له كۆنگرهیهكى رۆژنامهوانى هاوبهشدا لهگهڵ وهزیرى دهرهوهى ئێران رایگهیاند: ئێران بۆ ئێمه دراوسێیهكى گرنگه، وتیشى: “گهشهدان به پهیوهندییهكانى ههرێم و ئێران خواستى ههمیشهیى ئێمهیه”.
ئێوارهى ئهمڕۆ محهمهد جهواد زهریف، وهزیرى دهرهوهى ئێران و وهفدى یاوهرى لهڕێگهى فڕۆكهخانهى نێودهوڵهتى ههولێرهوه گهیشته ههرێمى كوردستان، لهلایهن شێخ جهعفهر شێخ مستهفا، جێگرى سهرۆكى ههرێم و سهفین دزهیی، بهرپرسى فهرمانگهى پهیوهندییهكانى دهرهوهى ههرێم، فهوزى ههریرى، سهرۆكى دیوانى سهرۆكایهتى ههرێم پێشوازى لێ كرا.
لهدواى گهیشتنى لهگهڵ نێچیرڤان بارزانى، سهرۆكى ههرێم كۆبووهوه و لهدواى كۆبوونهوهیان كۆنگرهیهكى رۆژنامهوانى هاوبهشییان ئهنجامدا، له كۆنگرهكهدا سهرهتا نێچیرڤان بارزانى رایگهیاند: “ئێران بۆ ئێمه دراوسێیهكى زۆر گرنگه، ههرگیز رۆڵ و پێگهى ئهو وڵاته و هاوكارییهكانى بۆ ههرێمى كوردستان له ساته ناخۆشهكاندا لهبیر ناكهین”.
وتیشى: “پهرهدان به پهیوهندییهكانمان خواستى ههمیشهیى ههرێمى كوردستانه”.
سهرۆكى ههرێم ئهوهشى خستهڕوو: “سوپاسى بهڕێز ئیرهش مهسجدى، باڵیۆزى ئێران له عێراق و سهركۆنسوڵگهرهكانى ئێران له ههولێر و سلێمانى دهكهین بۆ ئهو ههوڵه بهردهوامانهى دهدهن له قازانجى پهیوهندییهكانى ههولێر و تاران”.
دواتر محهمهد جهواد زهریف، وهزیرى دهرهوهى ئێران رایگهیاند: “ئێمه دهمانهوێت پهیوهندییه سیاسى و ديپلۆماسییهكانمان لهگهڵ ههرێم پهرهپێبدهین، دهمانهوێت هێڵى ئاسن و پیشهسازى هاوبهشمان لهگهڵ ههرێم ههبێت، سوپاسى سهرۆكى ههرێمیش دهكهین كه ههمیشه دۆستێكى باشى ئێمه بووه”.
سهردانهكهى جهواد زهریف، بۆ ههرێم دواى ئهوهدێت كه بهیانى ئهمڕۆ گهیشته عێراق و لهگهڵ مستهفا كازمى، سهرۆكوهزیرانى عێراق، فوئاد حسێن، وهزیرى دهرهوهى عێراق، بهرههم ساڵح، سهرۆككۆمارى عێراق ، محەمەد حەلبوسی، سەرۆكی ئەنجومەنی نوێنەرانی عێراق و فالح فەیاز، سەرۆكی دەستەی حەشدی شەعبی، هادی عامری، سەرۆكی هاوپەیمانی فەتح و عەممار حەكیم، سەرۆكی رەوتی حیكمه كۆبووهوه.
لهدواى كۆبوونهوهى لهگهڵ وهزیرى دهرهوهى عێراق، وهزیرى دهرهوهى ئێران ئهمڕۆ له كۆنگرهیهكى رۆژنامهوانیدا رایگهیاند: “پەیوەندییەکانی عێراق و ئێران بە خوێن هاتۆتەبوون و پارێزگاریی لێدەکەین، ئاشتی عێراق ئاشتی ناوچەکە و ئێرانیشە، سەرەڕای نەمانی داعش و رووخانی ئەو گروپە، بەڵام هەر ترس هەیە لەوەی سەرهەڵبدەنەوە، عێراقێکی بەهێز و سەقامگیر خواستی ئێمەشە”.
سهردانهكهى زهریف بۆ ههرێمى كوردستان چوارهمین سهردانى ئهو وهزیرهیه، كۆتا سهردانى له 15ى كانونى دووهمى 2019 دا بوو كه لهگهڵ بهرپرسانى باڵاى حكومى له ههرێم كۆبووهوه.
