فەلەکناسێکی سعودی یەکەم رۆژی جەژی قوربانی دیاری کرد
SNN
فه‌له‌كناسێکی سعودی و هاوكات ئه‌ندامی یه‌كێتی عه‌ره‌بی بۆ زانستی فه‌له‌كناسی دووپاتی كرده‌وه، كاتژمێر 8:30 خوله‌كی ئێواره‌ی 29ی زولقیعده هیلالی مانگی زیلحجه ده‌رده‌كه‌وێت، كه هاوكاته له‌گه‌ڵ 20ی ئه‌م مانگه‌ی ساڵی زاینی.
مولهه‌م بن محه‌مه‌د وتی: “هیلاله‌كه دوای خۆرئاوابوون له سه‌رانسه‌ری شانشینی سعودیه ده‌رده‌كه‌وێت، به‌ڵام مه‌رجه شه‌رعییه‌كانی تێدا نابێت، چونكه بینینی مه‌حاڵ ده‌بێت، بۆیه بۆ ئه‌وه‌ی مه‌رجه شه‌رعییه‌كان رێگه‌ی پێ بده‌ن، ئه‌وا ده‌بێت 30 رۆژی مانگی زولقیعده ته‌واو بكرێن، هه‌ر بۆیه 21ی ئه‌م مانگه به یه‌كه‌م رۆژی مانگی زیلحجه هه‌ژمار ناكرێت و رۆژی چوارشه‌ممه 22ی ئه‌م مانگه یه‌كه‌م رۆژی مانگی زیلحجه‌یه”.
به وته‌ی فه‌له‌كناسه سعوودیه‌كه، رۆژی پێنجشه‌مه‌ی 30ی ئه‌م مانگه ده‌بێته وه‌قفی عه‌ره‌فه و رۆژی هه‌ینی 31 ئه‌م مانگه‌ش یه‌كه‌م رۆژی جه‌ژنی قوربانه.
