وتەبێژی تەندروستی هەولێر “18 تووشبوو دۆخیان ناجێگیرە”

SNN- مەودا مستەفا

وتەبێژی تەندروستیی هەولێر رایدەگەێنێت لە ئێستادا 18 تووشبوو دۆخی تەندروستییان ناجێگرە و نزیكەی 100 تووشبووش لەئێستادا نیشانەكانیان دەركەوتووە لە نەخۆشخانەكاندا.

بژار موسا، وتەبێژی بەڕێوەبەرایەتی گشتی تەندروستی هەولێر بە SNNی راگەیاند لە ئێستادا تەنها دۆخی 18 تووشبووی كۆرۆنا ناجێگیرەو لە ژێر ئامێری هەناسەدانی دەستكرددان نزیكەی 100 كەسی تریش نیشانەكانیان دەركەوتووە لە ئێستادا لە نەخۆشخانەكاندا چاودێری دەكرێن.

وتیشی : “دوا لە هاووڵاتییان دەكەین پابەندی رێنماییەكانی تەندروستی بن، بۆئەوەی حاڵەتەكانی تووشبوون بە كۆرۆنا لەوە زیاتر نەبێت و كەسانی تریش بەهۆی ئەم نەخۆشییەوە گیانلەدەست نەدەن”.

بەپێی دواین ئاماری وەزارەتی تەندروستی حكومەتی هەرێمی كوردستانیش بەم شێوەیی خوارەوەیە:
ئاماری گشتی:
پشكنین 176777 (75529 هەولێر، 58368 سلێمانی، 41170 دهۆك، 1715هەلەبجە)

تووشبوون 11109 (2975 هەولێر، 7421 سلێمانی،343 دهۆك، 370 هەڵەبجە)
چاكبوون 6044 (2031 هەولێر، 3484 سلێمانی، 274 دهۆك، 255 هەڵەبجە)
مانەوە لە نەخۆشخانە 4646 (868 هەولێر، 3601 سلێمانی، 69 دهۆك، 108 هەڵەبجە)

مردن 419 (76 هەولێر، 336 سلێمانی، 7 هەڵەبجە)