“حكومەت پارەی لەبەردەست نییە بۆ دابەشكردنی مووچە”

SNN- مەودا مستەفا

ئەندامێكی لیژنەی دارایی و ئابووری لە پەرلەمانی كوردستان رایدەگەیەنێت حكومەتی هەرێمی كوردستان وەزارەتی دارایی هیچ پارەیەكیان لەبەدەرەست نییە بۆ دابەشكردنی مووچەی ئەم مانگە.

سه‌ركۆ ئازاد، ئەندامێكی لیژنەی دارایی و ئابووری لە پەرلەمانی كوردستان بە SNNی راگەیاند: دوای كۆبوونەوەمان لەگەڵ وەزیری دارایی و بەڕێوەبەری گومرگ و خاڵە سنوورییەكان بۆمان دەركەوت حكومەت و وەزارەتی دارایی هیچ بڕە پارەیەكیان لەبەردەستدانییە بۆ دابەشكردنی مووچەی فەرمانبەران بۆ مووچەی ئەم مانگە.

لەبارەی رێژەی لێبڕینی مووچەش بۆ ئەم مانگە وتی :”تا ئێستا دیار نییە شێوازی لێبرین و چۆنیەتی دابەشكردنەكەش، بە پێی زانیارەكانی SNNدوای كۆكردنەوەی هەموو داهاتی هەرێمی كوردستان ئەو كات بڕیار دەدرێت بۆ مووچەی ئەم مانگە رێژەی لێبڕینەكە چەند و بەچ شێوازێكە”