وەزارەتی نەوتی عێراق داهاتی نەوت لە مانگی حوزەیراندا ئاشکرا دەکات
کێڵگە نەوتێکی عێراق
SNN
وەزارەتی نەوتی عێراق، رایگەیاند کۆی گشتیی داهاتی نەوت لە مانگی حوزەیراندا 2 ملیار و 871 ملیۆن دۆلاری تێپەڕاندووە، بەپێی راگەیەندراوێکی وەزارەتی نەوت، کۆی گشتیی هەناردەی نەوتی عێراق لە مانگی حوزەیراندا گەیشتووەتە 84.849 ملیۆن بەرمیل.
لە مانگی پێشوودا وەزارەتی نەوتی عێراق رایگەیاندبوو کە هەناردەی نەوتی خاویان بۆ مانگی ئایار کەمکردووەتەوە بە بەراورد بە مانگی نیسان زۆرتر بووە. بەو جۆرێک گەیشتبووە 2 ملیار و 91 ملیۆن و 811 هەزار دۆلار.
عێراق لە مانگی نیسانی 2020ـدا 103 ملیۆن و 144 هەزار و 911 بەرمیل نەوتی هەناردە کردبوو، داهاتەکەشی گەیشتبووە 1 ملیار و 499 ملیۆن و 499 هەزار دۆلار، بەهۆی ئەوەی بەهای ئەوکاتەی نەوت نزم بوو عێراق تەنیا 1ملیارو 499 ملیۆن دۆلاری دەستکەوت.
