عەبدولحەكیم خەسرۆ: بەردەوامدەبین لە جێبەجێكردنی یاسای چاكسازی
لۆگۆی حکومەتی هەرێم | فۆتۆ: SNN
SNN- مەودا مستەفا
سكرتێری لیژنەی یاسای چاكسازی لە ئەنجوومەنی وەزیران رایدەگەیەنێت “حكومەتی هەرێمی كوردستان بەردەوامدەبێت لەسەر جێبەجێكردنی یاسای چاكسازی و لە داهاتووشدا هەنگاوی كردەیی دەبینن”.
ئەمڕۆ یەکشەممە لە كاتی سەردانی كردنی بۆ پەرلەمانی كوردستان عەبدولحەكیم خەسرۆ، سكرتێری لیژنەی یاسای چاكسازی لەئەنجوومەنی وەزیران لەلێدوانێكی ڕۆژنامەوانیدا ڕایگەیاند “بەردەوامدەبن لە جێبەجێكردنی یاسای چاكسازی و تەواوی ڕێنمایی و پەیڕەوە پێویستەكان بۆ جێبەجێكردن یاساكە دەرچوون”.
بەرپرسی پەیوەندییەكانی هەماهەنگی و بەدواداچوون لە ئەنجومەنی وەزیران وتیشی: “لەئێستادا وەزارەتەكان دەستبەكاربوون بۆ ئەوەی یاسای چاكسازی جێبەجێبكەن، ئێستا سەرقاڵی جێبەجێكردنی ئەو بڕگانەن كەپەیوەستن بە تەواوی قەرزەكانی حكومەت بەگشتی و ڕێكخستنەوەی میلاكات و خانەنشینی و پرسەكانی تر بەتایبەتی”.
