ئابووری ئەڵمانیا گەورەترین پاشەکشەی کردووە
ژن و پیاوێک لەبەردەم دوکانەکەیان لە میونخ، مانگی ئایار، وێنە: AP
SNN
بەگوێرەی ئامارێکی فەرمی، ئابووری ئەڵمانیا لە چارەکی دووەمی ئەمساڵدا بە رێژەی 10.1% پاشەکشەیکردووە، ئەمەش بەهۆی لێکەوتەکانی ڤایرۆسی کۆرۆنا بووە.
نوسینگەی فیدراڵی ئامارەکانی ئەڵمانیا لە راپۆرتێکیدا ئەو پاشەکشەیەی خستووەتەڕوو، ئاماژەی بەوەشکردووە: “لە ساڵی 1970وە کە گەشەی ئابووری ئەڵمانیا تۆمارکراوە، تا ئێستا وڵاتەکە پاشەکشەی لەو جۆرەی بەخۆیەوە نەبینیووە”.
راشیگەیاندووە: “زیانەکان بۆ ئەوە دەگەڕێنەوە لە چارەکی دووەمی ئەمساڵدا ئاستی هاوردە و هەناردەکردنی شتومەک کەمیکردووە”.
بەهۆی بەرزی ژمارەی تووشبووانی کۆرۆنا لەو وڵاتە، لە نێوان مانگەکانی ئازار تا ئایار رێککاری تووندی تەندروستی لە ئەڵمانیا جێبەجێکرا ئەوەش بەشێک لە کەرتەکانی لاوازکرد.
