یونامی پێشوازی لە ئەنجامدانی هەڵبژاردنی پێشوەختی عێراق دەكات
یۆنامی
SNN
تیمی نەتەوە یەكگرتووەكان لە عێراق (یونامی) ئەمشەو پشتیوانی خۆی بۆ دیاریكردنی كاتی بەڕێوەچوونی هەڵبژاردنی پێشوەختە لە عێراق راگەیاند و ئەوەشی خستەڕوو كە ئامادەیە لەو رووەوە هاوكاری و پاڵپشتی عێراق بكات.
جینین پلاسخارت نوێنەری تایبەتی سكرتێری گشتی نەتەوە یەكگرتووەكان رایگەیاند : ئەنجامدانی هەڵبژاردنێكی ئازاد و پاك و گشتگیر بە شێوەیەكی دروست، دەكرێت ببێتە هۆی چالاككردنی سیستمی سیاسی و بنیادنانی متمانەی جەماوەر لە عێراقدا و خواستی گەلیش لە نوێنەرایەتییەكی باشتری سیاسی بۆیان بهێنێتە ئاراوە.
ئەم راگەیەندراوەی یونامی دوای ئەوە هات كە مستەفا كازمی سەرۆكوەزیران رایگەیاند مانگی 6ی داهاتوو هەڵبژاردنی پێشوەختە لە عێراق ئەنجام دەدرێت.
