هۆکاری تەقینەوەکەی وێستگەی ئەتۆمی نەتەنز ئاشکرا دەکرێت

SNN

موجتەبا زوونوون، سەرۆکی لیژنەی ئاسایشی نیشتیمانی و سیاسەتی دەرەوە لە پەرلەمانی ئێران، رایگەیاند: تەقینەوەکەی وێستگەی ئەتۆمی نەتەنز بەهۆی کێشەیەکی ناو وێستگەکەوە روویداوە”.

موجتەبا لە لێدوانێکیدا بۆ کەناڵێکی تەلەفیزیۆنی وڵاتەکەی باسی لە ئەنجامی لێکۆڵینەوەکانی تایبەت بە تەقینەوەکەی ناو وێستگەی ئەتۆمی نەتەنز کرد و رایگەیاند :”لێکۆڵینەوەکان ئەوە نیشاندەدەن کە تەقینەوەکە لەڕێی موشەک، درۆن یان هەرشتێکی هاوشێوەوە نەکراوە”.

لەبارەی هۆکاری رووداوەکەش باسی لەوە کردووە تەقینەوەکە بەهۆی کێشەیەکی ناو وێستگە ئەتۆمییەکەوە روویداوە کە لە ئێستادا ناتوانن وردەکارییەکانی بخەنەڕوو، لە 2ی تەمموزی ئەمساڵ، لە وێستگەی ئەتۆمی نەتەنز رووداوێکی ئاگرکەوتنەوە یان تەقینەوەیەک روویدا بەڵام هیچ زیانێکی گیانی لێنەکەوتەوە.