سەرکردەیەکی هاوپەیمانی فەتح گومان دەکات ئیسرائیل لە پشت تەقینەوەکانی لوبنانەوە بێت

SNN-

سەرکردەیەکی هاوپەیمانی فەتح بە دووری نازانێت ئیسرائیل لە پشت تەقینەوەکانی لوبنانەوە بێت، دەڵێت: “هیچ بە دووری مەزانن ئیسرائیل بکەری سەرەکیی رووداوەکە بووبێت”.

سەعد سەعدی لە لێدوانێکیدا ئەمڕۆ چوارشەممە وتی: “هۆکاری تەقینەوەکە تا ئێستا نەزانراوە، لێکۆڵینەوە دەستیپێکردووە بۆ ئەوەی بزانرێت پەیوەندییان بە هێرشەکانی سەر سەربازگەکانی حەشدی شعبییەوە هەیە یاخود نا”.

وتیشی: “ئیسرائیل رابردووی خراپی هەیە لەم کردانەدا و دوور نییە دەستی نەبێت لە رووداوەکانی لوبنان و پێشتر بینیمان کە لە سوریا و ئێران و عێراق چی کردووە و چی دەکات”.

كاتژمێر 6:00ى ئێواره‌ى دوێنێ 4ی ئاب له‌ نزیك به‌نده‌رى به‌یروت ته‌قینه‌وه‌یه‌كى به‌هێز روویدا، كه‌ تا ئێستا گونمانده‌كرێت كۆگاى چه‌ك بووبێت كه‌ ته‌قیبێته‌وه‌.

دوای رووداوەکە سه‌رۆكوه‌زیرانى ئه‌و وڵاته‌ راگه‌یه‌نراوێكى بڵاوكرده‌وه‌ له‌باره‌ى رووداوه‌كه‌وه‌ و وتى: “هێشتا لێكۆڵینه‌وه‌كان له‌ قۆناغى سه‌ره‌تادان، به‌ڵام داواده‌كه‌ین به‌هۆى ئه‌و هه‌موو قوربانیه‌ى كه‌ داومانه‌ وڵاتانى دۆست و دراوسێ هاوكاریمان بكه‌ن”.

وه‌زاره‌تى ته‌ندروستيى لوبنان له‌ به‌یاننامه‌یه‌كدا دوایین ئامارى ته‌قینه‌وه‌كه‌ى بڵاوكرده‌وه‌ و رایگه‌یاند، ” 5 هه‌زار كه‌س برینداربوون و 150 كه‌س كوژراون”.