” 300 هەزار خێزان بێ ماڵ و شوێن بوون و زیانەکان لە 5 ملیار دۆلار زیاترە”
تەقینەوەکەی لوبنان
SNN
مەروان عەبود پارێزگاری لوبنان رایگەیاند: بەپێی رێکخراوی لوبنانی ئیتەرناشناڵ زیانەکانی تەقینەوەکەی بەیروتی پایتەختی لوبنان لە 5 ملیار دۆلار زیاترە ، ئەو خێزانانەشی بێ ماڵ و حاڵبوون ژمارەیان 300 هەزارە.
“بەپێی ڕاپۆرتێکی ئەمریکی ئابووری لوبنان بەبێ ئەم تەقینەوەیەش پێویستی بە 93 ملیار دۆلار هەبوو بۆ ئەوەی دووبارە ببوژێتەوە و لە قەیرانی دارایی تێپەڕبێت”
ساڵێک زیاتر دەبێت وڵاتی لوبنان کەوتۆتە نێو گێژاوێکی سەختی ئابوورییەوە و تەواوی کەرتەکانی تووشی داتەپین بوون، کە زیانەکانی بە 100 ملیار دۆلار دەخەمڵنرێت، لەگەڵ ئەوەشداو پاش بڵاوبوونەوەی ڤایرۆسی کۆرۆنا دووبارە کەرتی گەشتیاری لوبنان پەکیکەوت کە بە شادەماری ئابووری ئەو وڵاتە دادەنرا، بۆیە هاووڵاتیانی ئەو وڵاتە بەدەست هەژاری و نەبوونیەوە لە ئێستادا دەناڵێنن، بوونی ئەم تاقینەوە گەورەیەش دووبارە قورسای دەخاتەوە سەر شانی حکومەتی لوبانی و بەپێی رای چاودێرانی ئابووری گەر وڵاتان هاوکاری لوبنان نەکەن ناتوانن بەیروت بکەنەوە بە پایتەختەکەی جاران، چونکە حکومەتی ئەو وڵاتە بودجەی تەواوی لەبەردەست نییە بۆ قەرەبووکردنەوەی زیانلێکەوتوان و دووبارە نۆژەنکردنەوەی ئەو شوێنانەی زیانیان بەرکەوتووە.
دوێنێ سێشەممە 4ی ئاب، تەقینەوەیەکی بەهێزی کۆگای نیتراتی ئەمۆنیۆم بەیروتی پایتەختی لوبنانی هەژاند کە 135 کەس گیانیانلەدەستداو زیاد لە 80 کەسیش بێسەروشوێن بوون لەگەڵ برینداربوونی 4000 کەسی دیکە لە رووداوەکە.
