گرنگترین مانشێتی ئەمڕۆ شەممە 8/8/2020ی رۆژنامە وەرزشییەکانی ئیتاڵیا

SNN Sport

ئەمڕۆ شەممە (8/8/2020) گرنگترین مانشێتی رۆژنامەکانی ئیتاڵیا بەمشێوەیە بوو…

لاگازێتا دیلۆ سپۆرت:

• شەوێکی رەش.
• لە خولی یانە پاڵەوانەکان سەرەڕای ئەوەی یۆڤانتۆس 2-1 لە یانەی لیۆن دەباتەوە بەڵام دەکرێتە دەرەوە.
• ئەنێلی سەرۆکی یانەکە بێهیوایە:” دەبێت ئێستا هەڵسەنگاندن بکەین”.
• ساری لە مەترسیدایە: سیمیۆنی ئینزاگی و زیدان بۆ شوێنەکەی دەردەکەون.
• یانەی لیۆن بە لێدانێکی سزا سەرەتا پێشکەوت،دواتر رۆناڵدۆ توانی بە لێدانی سزا گۆڵێک بکات و گۆڵی دووەمی بە شێوەیەکی نایاب کرد، بەڵام بەس نەبوو.
• ساری:” دەمەوێت رێز لە گرێبەستەکەم بگرم”.
• ناپۆلی بۆ یاری ئەمشەو دژی بەرشەلۆنە متمانەی بە خۆی هەیە.
• یانەی بەرشەلۆنە چەندین کێشەی هەیە و دەبێت گاتووزۆ ئەو دەرفەتانە بقۆزێتەوە.
• لە یاریگای کامپ نۆ بڕیاری بەشداریکردنی ئینسینی لە ساتەکانی کۆتایی دەدرێت.
• لە رۆژی دووشەممە یاری ئینتەرمیلان و بایەرلیڤەرکوزن لە خولی یۆرۆلیگ هەیە.

کۆرێری دیلۆ سپۆرت:

• ماڵئاوایی ماوریسیۆ ساری راهێنەری یۆڤانتۆس.
• لیۆنی گارسیای راهێنەر بۆ چارەگی کۆتایی سەردەکەون سەرەڕای ئەوەی 2-1 لە تۆرینۆ بە یۆڤانتۆس دۆڕان.
• یۆڤانتۆس لە دەرەوەی خولی یانە پاڵەوانەکانە: دوو گۆڵی رۆناڵدۆ بەس نەبوو.
• ساری:” من وێران بووم”.
• راهێنەرەکە دەڵێت:” یارییەکی نایابمان ئەنجامدا، رێزی ئەو گرێبەستەش دەگرم کە لەگەڵ یانەکە هەمە”.
• پیانیچ:” لە خولە ئەوروپییەکان دەبێت کاری زیاتر بکەیت”.
• ناپۆلی وەکو ئەوە وایە بەسەر شاخی ئەڤەرێستدا سەربکەوێت.
• ئەمشەو رووبەڕووی بەرشەلۆنە دەبێتەوە دوای ئەوەی یاری چوونی 1-1 تەواو کرد.
• گاتووزۆ:” ئینسینی ئەگەر لە %100 ئامادە نەبێت یاری پێناکرێت”.

تۆتۆ سپۆرت:

• ساری لە دەرەوەیە.
• سەرەڕای ئەوەی رۆناڵدۆ نموونەیی بوو، یانەی یۆڤانتۆس لە خولی یانە پاڵەوانەکانی ئەوروپا لە قۆناغی شانزە دەکرێتە دەرەوە.
• ئەمە شکستهێنانی سارییە،ئەو نەیتوانیوە،ستایڵی تایبەتی تیپەکەی خۆی هەبێت، دیبالا دەخاتە ناوەوەو تووشی پێکان دەبێت.
• ئیبراهیمۆڤیچ هەنگاوێکی ماوە بەڵێ بۆ ئەیسی میلان بکات بۆ مانەوە.