سامان بەرزنجی: بەهۆی زۆریی تووشبووانەوە ئاماری کۆرۆنا بەیانیان رادەگەیەنرێت

SNN-

سامان بەرزنجی وەزیری تەندروستیی هەرێم دەڵێت: 15 کەسی دیکە لە 24 کاتژمێری رابردوودا لەهەرێم بە کۆرۆنا گیانیان لەدەستداوە، دەشڵێت: “بەهۆی زۆریی ژمارەی تووشبووانەوە لەمەولا بەیانیان ئاماری کۆرۆنا بڵاودەکەنەوە”.

وتیشی: “لەو 15 کەسە 8 کەس لە شاری هەولێر گیانیان لەدەستداوە و 5 لە سلێمانی و 2 کەسی دیکەش لە پارێزگای هەڵەبجە گیانیانلەدەستداوە”.

وەزیری تەندروستی راشیگەیاند “رێژەی چاکبوونەوە 61٪ ە و 3.9٪ رێژەی مردن هەیە لە هەرێمی کوردستان و 39٪ی کۆی تووشبووانی هەرێم لەژێر چاودێریی پزیشکیدان”.

بەپێی دوایین ئامار تا ئەمڕۆ لە هەرێمی کوردستان 16497 کەس تووشی کۆرۆنا بوون و 10002 کەسیش چاکبوونەتەوە و 623 هاووڵاتیش گیانیانلەدەستداوە.