هەواڵێکی چاوەڕوان نەکراو لە یانەی ریاڵ مەدریدەوە

SNN Sport

یانەی ریاڵ مەدریدی ئیسپانی  دەیەوێت گرێبەستێکی چاوەڕوان نەکراو ئەنجام بدات و  ئەستێرەی لاوی بە توانای یانەی یۆڤانتۆس، پاولۆ دیبالای ئەرجەنتینی بۆ ریزەکانی بگوازێتەوە.

پێگەی Sport Mediaset |ی بە ناوبانگی ئیتاڵی بڵاویکردووەتەوە، یانەی ریاڵ مەدرید  ئامادەیی نیشانداوە تۆنی کرۆس  یان ئیسکۆ لە گرێبەستی گواستنەوەی دیبالا بە کار بهێنێت و ئەم یاریزانە لاوە بۆ ریزەکانی بگوازێتەوە.

یانەی ریاڵ مەدرید لە لایەن هاندەرانی یانەکەیەوە دوای کرانە دەرەوەیان لە خولی یانە پاڵەوانەکان لەسەر دەستی یانەی مانچستەرسیتی، داواکارییەکیان ئاڕاستەکراوە تا هێڵی پێشەوە بەهێزتر بکەن، یانەکە لە ئێستادا دەیەوێت زیاتر گرنگی بەو هێڵە بدات.

ریاڵ مەدرید دەیەوێت هەریەکە لە بەیڵ و جەیمس رۆدریگێز بفرۆشێت، زیدان بە ئیدارەی یانەکەی راگەیاندووە نایەوێت لە وەرزی نوێ ئەو دوو یاریزانە لە ریزەکانی یانەکەی بمێننەوە، بۆ ئەو مەبەستە یانەی شاهانە دەیەوێت شوێنەکانیان پڕبکاتەوە.

دیبالا تەمەنی 26 ساڵەو تا ساڵی 2022 گرێبەستی لەگەڵ خانمە پیرەکە هەیەو ساڵانە مووچەیەکی 7 ملیۆن یۆرۆیی وەردەگرێت.