گرنگترین مانشێتی دووشەممە 10/8/2020ی رۆژنامە وەرزشییەکانی ئیسپانیا

SNN Sport

ئەمڕۆ دووشەممە (10/8/2020) گرنگترین مانشێتی رۆژنامەکانی ئیسپانیا بەمشێوەیە بوو…

سپۆرت:

• فاکتەری میسی.
• یانەی بەرشەلۆنە دەتوانێت بجەنگێت لە پێناو خولی یانە پاڵەوانەکانی ئەوروپا و بەرەو ئەو ساتە خۆشە دەڕوات  کە لەوانەیە ئەستێرە ئەرجەنتینیەکە یەکلاکەرەوە بێت.
• میسی زۆرترین یاری لە چارەگی کۆتایی خولی یانە پاڵەوانەکان کردووەو گۆڵکاری مێژووی ئەم قۆناغەیە.
• لە ریزەکانی ئاتلەتیکۆ مەدرید 2 تووشبووی ڤایرۆسی کۆرۆنا تۆماردەکرێت و پشکنین بۆ هەموو یاریزانەکان دەکرێت پێش ئەوەی سەفەری لیشبوونەی پۆرتوگالی بکات لە خولی یانە پاڵەوانەکان.
• دی یۆنگ ئاستی بەرەو پێشەوە چووە دوای گفتوگۆکردنی لەگەڵ کیکی سیتین.
• یانەی بەرشەلۆنە بە هەموو یاریزانەکانیەوە سەفەری لیشبوونە دەکات بۆ خولی یانە پاڵەوانەکان.
• شیکردنەوە: بایرن میونخ باشترین یانەیە لە ئەوروپا، دوای ئەو ئاستەی لەم وەرزە لە خولی یانە پاڵەوانەکان پێشکەشی کرد.

مۆندۆ دیپۆرتیڤۆ:

• میسی مۆتەکەی یانەی بایرن میونخە.
• لیۆ میسی دوای ئەوەی تووشی لێدانێکی تووند بوو لە یاری بەرامبەر بە ناپۆلی، دەتوانێت رۆژی هەینی یاری بکات، ئەو دڕندە رەشەکەی بەرامبەر بە بایرن میونخە.
• باڤارییەکان لە ساڵی 2009 بە دوو گۆڵی ئەو تامی تاڵییان کرد، لە 2015 بە گۆڵێكی توانی بواتینگ بە زەویدا بخات  و کۆتا لێدانی میسی بەرامبەر بەو یانەیە دژی نۆیەر بووە.
• یانەی ئاتلەتیکۆ مەدرید کەرەنتین دەکرێت و 2 تووشی ڤایرۆسی کۆرۆنای تێدا تۆمار دەکرێت پێش ئەوەی سەفەری لیشبوونە بکات لە خولی یانە پاڵەوانەکان.

مارکا:

• لە پشکنینی ڤایرۆسی کۆرۆنا دوو یاریزانی یانەی ئاتلەتیکۆ مەدرید هەڵگری ڤایرۆسەکە بوون.
• پێش یاری خولی یانە پاڵەوانەکان بەرامبەر بە یانەی لایپزیگ یانەی ئاتلەتیکۆ مەدرید دووپاتی کردەوە دوو یاریزانی لە کەرەنتینەن و هەڵگری ڤایرۆسەکەن.
• یانەکە پشکنین بۆ هەمووو یاریزانەکان  دووبارە دەکاتەوە،لەگەڵ هەموو ئەمانەش تیپەکەی دییەگۆ سیمیۆنی  ئامادەی سەفەرکردنن بۆ شاری لیشبوونە و لەگەڵ یەکێتی تۆپی پێی ئەوروپا گفتوگۆ دەربارەی پلانی نوێ بۆ رووبەڕووبوونەوەی ڤایرۆسەکە دەکەن.
• فرۆشتن، فرۆشتن و تەنیا فرۆشتن، یانەی ریاڵ مەدرید پێش ئەوەی بیر لە گواستنەوەی یاریزان بکاتەوە، لە پێشینەی کارەکانی ئەوەیە  دەستبەرداری چەند یاریزانێكی ببێت.

ئاس:

• ڤایرۆسی کۆرۆنا دەگاتە خولی یانە پاڵەوانەکان.
• پێش یاریەکەیان لە خولی یانە پاڵەوانەکان بەرامبەر بە لایپزیگی ئەڵمانی، یانەی ئاتلەتیکۆ مەدرید دووپاتی دەکاتەوە دوو یاریزانی هەڵگری ڤایرۆسەکەیە.
• تیپەکە دووبارە پشکنینی کۆرۆنا دەکاتەوە پێش ئەوەی سەفەری لیشبوونەی پۆرتوگالی بکات.
• نەبوونی چەک.
• یانەی ریاڵ مەدرید لە وەرزەکانی 2006/07 وە یەکمجارە کەمتر لە 100 گۆڵ بکات لە یەک وەرزداو تەنیا بنزیمە تایبەتمەندییەکانی خۆی نیشانداوەو کاری خۆی کردووە.