ئەفسەرێکی پێشووی CIA بە سیخوڕیکردن بۆ چین تۆمەتبارە

SNN

ئەفسەرێکی پێشووی ئاژانسی هەواڵگری ناوەندی ئەمریکا (CIA) بە تۆمەتی سیخوڕیکردن بۆ چین، لە ئەمریکا دەستگیرکرا.

وەزارەتی دادی ئەمریکا بڵاویکردەوە: ئەو کەسەی کە دەستگیرکراوە ناوی ئەلێکساندەر یوک چینا ما-یە، تەمەنی 67 ساڵە، تۆمەتبارە بەوەی زانیاری هەستیاری پەیوەندیدار بە بەرگری نیشتمانی ئەمریکای داوەتە بەرپرسانی هەواڵگری چین.

تۆمەتبارەکە ئەمڕۆ دەچێتە بەردەم دادگای ئەمریکا و ئەگەر تۆمەتەکانی بەسەردا ساغببێتەوە ئەوا رووبەڕووی سزای زیندانی هەمیشەیی دەکرێتەوە.

میدیاکان باس لەوەدەکەن، پێشبینی دەکرێت دەستگیرکردنی ئەو “سیخوڕە” گرژییەکانی نێوان ئەمریکا و چین قوڵتربکاتەوە، لەکاتێکدا کە ئەمریکا چین تۆمەتباردەکات بەوەی لەرێژەی ئەپەکانی وەک تیک تۆک و ویچاتەوە، سیخوڕی بەسەر بەکارهێنەرانی ئەمریکاوە کردووە.