لوبنانی بریندار لە چاوەڕوانی دادگای بکوژانی رەفیق حەریریدایە

SNN

دادگای لوبنان بە پاڵپشتی نەتەوە یەکگرتووەکان ئامادەکاری کردووە بۆ دادگای کردنی 4 ئەندامی حیزبوڵا بە تۆمەتی پەیوەندی بونیان لە رووداوە خوێناوییەکەی 2005 کە تێیدا رەفیق حەریری سەرۆک وەزیرانی ئەوکاتی لوبنانی تێدا تیرۆر کرا.

تیرۆرکردنی رەفیق حەریری بە قورسترین کارەسات دادەنرێت کە بەسەر لوبناندا هاتبێت دوای شەری ناوخۆی ئەو وڵاتە کە لە ساڵی 1975 دەستیپێکرد و تا 1990 بەردەوام بوو، هەروەها لە هەفتەی رابردوودا تەقینەوەی گۆکایەکی نیتراتی ئەمۆنیۆم لە بەیروت بە سێیەم کارەساتی گەورەی ئەو وڵاتە دادەنرێت کە هەر سێ رووداوەکە بەیروتی پایتەختی گرتۆتەوە.

لێکۆڵینەوەکان لە تیرۆرکردنی رەفیق حەریری ماوەی 15 ساڵی بەردەوامە دادگا بەبێ ئامادەبوونی ئەو چوار ئەندامەی حیزبوڵا دانیشتنی خۆی ئەنجامداوە، تا ئێستا لێکۆلێنەوە لەو رووداوە 1 ملیار دۆلار تێچووەکەی بووە.

لە 14 شوباتی 2005 تەقینەوەیەک سەنتەری بەیروت دەهەژێنێت و بەهۆیەوە 21 کەس بوونە قوربانی، وەک لێکۆڵینەوەکان ئاماژەی پێدەکەن تەقینەوەکە خۆکوژی بووەو تا ئیستا کەسی خۆکوژ هیچ ناسنامەیەکی ئاشکرا نەبووە، بەڵام چوار ئەندامی حیزبوڵا تۆمەتبارن بەم کردەوە ترۆرستییە.

ئەو چوار ئەندامەی حیزبوڵا چەند خولەکێک پێش تیرۆرکردنی رەفیق حەریری پەیوەندی تەلەفۆنیان ئەنجامداوەو لە شوێنی رووداوەکەوە نزیکبوون هەروەها چاودێری جوڵەی رەفیق حەریریان کردووە، تەواوی بەڵگەو پەیوەندییە تەلەفۆنییەکە لەبەردەستدایە، بەڵام تا ئێستا ئەنجامی ئەم بەڵگانە نەیانتوانیوە سزای کۆتایی بەسەر ئەو چوار تاوانبارەدا بدەن.