هێرشێکی تیرۆریستی لە ئەڵمانیا روویدا
پۆلیسی ئەڵمانیا
SNN
دەسەڵاتدارانی ئەمنی ئەڵمانیا رایانگەیاند “کردەیەکی تیرۆریستیی ئێوارەی رۆژی سێشەممە لە شاری بەرلین روویداوە و زیاتر لە شەش کەس بەوهۆیەوە بریندارن کە برینی زۆریان قورسە”.
بەپێی هەواڵی میدیاکانی ئەڵمانیا، ئەنجامدەری کردەوە تیرۆریستییەکە هاووڵاتییەکی بە رەگەز عەرەب بووە و لە ڕێگەی ئۆتۆمبێلێکەوە کارەکەی ئەنجامداوە.
پۆلیسی ئەڵمانیا دەڵێت: “ئەنجامدەرەکە بە ئۆتۆمبێلەکەی چەندین رووداوی شێلانی ئەنجامداوە و بۆتەهۆی نانەوەی پشێویی لەسەر رێگەی خێرای شاری بەرلین”.
بەپێی لێکۆڵینەوەکان، هێرشەکە تیرۆریستیی بووە و کەسێکی بە رەگەز عێراقیی بووە کە تەمەنی 30 ساڵە و کاتێک لە ئۆتۆمبێلەکەی دابەزیوە، بە وشەی (الله کبر) دروشمی وتووەتەوە.
پۆلیسی ئەڵمانی لە شوێنی رووداوەکە بکەری هێرشەکەی دەستگیر کردووە و لەگەڵ کۆنترۆڵکردنی رووداوەکەش، قەرەباڵغییەکی زۆر لەسەر شەقامەکە دروستببوو.
