ژنە بەرهەڵستکارێکی بیلارووسی داوای هەڵوەشانەوەی ئەنجامی هەڵبژاردنەکان دەکات

SNN

سفيتلانا تيخانوفسكايا کاندیدی ئۆپۆزسیۆن بۆ هەڵبژاردنەکانی سەرۆکایەتیی بیلارووسیا هاوار بۆ ئەوروپا دەبات و داوای رەتکردنەوەی ئەنجامەکانی ئەو هەڵبژاردنە دەکات.

لە گرتەیەکی ڤیدیۆییدا تيخانوفسكايا داوا دەکات ئەنجومەنێکی هاریکاریی پێکبهێنرێت و داواشیکرد رێز لە خواستی دەنگدەران بگیرێت و پشتیوانیی چوونە سەر شەقامیان بکرێت.

لە بانگەوازێکیدا ئەو ژنە سیاسییەی ئۆپۆزسیۆنی بیلارووسیا وتی: “هیچ دانپێدا نانێک بە ئەنجامی هەڵبژاردنەکاندا قبوڵکراو نییە و ئەلیکساندەر لۆکاچینکۆی سەرۆکیش هیچ شەرعییەتێکی نییە”.

چەند رۆژێکە خۆپیشاندانی ناڕەزایی لەو وڵاتە بەردەوامە لەسەر نا خاوێنیی ئەنجامی هەڵبژاردنی سەرۆکایەتی بیلارووسیا و سەرۆکی وڵاتیش توندوتیژیی بەکاردێنێت دژیان.

هەفتەی رابردووش وەزیرانی دەرەوەی یەكێتی ئەوروپا رەزامەندییان نیشاندا لەسەر گرتنەبەری چەند رێكارێك دژی دەسەڵاتدارانی بیلارووسیا لە بەرامبەر ئەو هەڵمەتە سەركوتكارانەی كە بەفەرمانی سەرۆكی ئەو وڵاتە دژی خۆپیشاندەران بەكارهاتووە.

رەزامەندیشیان نیشاندا لەسەر سەپاندنی سزا بەسەر چەند بەرپرسێكی باڵای ئەو وڵاتە كە دەستیان سوور بووە لە كوشتنی خۆپیشاندەران كە بەهۆی ساختەكاری لە هەڵبژاردنەكان رژابوونە سەر شەقامەكان