هۆشدارى لهبارهى دۆخى بهندكراوانى زیندانى ورمێ دهدرێت
وێنە: SNN
SNN
ئهندامێكى دهستهى بهڕێوهبهرى رێكخراوى ههنگاو تایبهت به مافهكانى مرۆڤ له رۆژههڵاتى كوردستان دهڵێت: “دۆخى خانمه بهندكراوانى زیندانى ورمێ جێگیر نییه و هۆشدارى دهدهن لهبارهى مانگرتنیان”.
ژیلا موستەئجێری، ئهندامى دهستهى بهڕێوهبهرى رێكخراوى ههنگاو تایبهت به مافهكانى مرۆڤ له چاوپێكهوتنێكیدا به دهنگى ئهمریكاى راگهیاندووه: “لە ماوەی شەش مانگدا دوو جار خانمه بهندكراوهكانى زیندانى ورمێ هۆشداریانداوه له دۆخى تهندروستى زیندانهكه”.
دهشڵێت: “ئهو زیندانییانه پێشتر بهههمان هۆكار شهو و رۆژێك مانیان گرت، له ئێستاشدا ههڕهشه دهكهن ئهگهر دۆخى زیندانهكه باشتر نهكرێت لهڕووى تهندروستییهوه ئهوه مانگترن دهستپێدهكهنهوه”.
له ماوهى رابردوودا فاتمە عەلیزادەى تەمەن 53 ساڵ كه خەڵکی شاری کرماشان بوو، لەنێو بەندیخانەی ئەو شارەدا بههۆى ڤایرۆسى كۆرۆناوه گیانى لهدهستدا.
