کچەکەی بەشار ئەسەد لە تورکیا چیدەکات؟!

SNN

میدیاکانی تورکیا رۆژی یەکشەممە چەند وێنەیەکیان بڵاوکردۆتەوە و دەڵێن “کچەکەی بەشار ئەسەد سەرۆکی سوریایە کە پشووی هاوینەی لەگەڵ چەند هاوڕێیەکی لە ناوچەیەکی گەشتیاریی تورکیا بەسەر دەبات”.

رۆژنامەی سەباح-ی تورکی کە لە ئاکەپەوە نزیکە، بڵاویکردۆتەوە، وێنەکان وا دەریدەخەن کە زەین ئەلئەسەد کچی سەرۆکی سوریا لە شاری بۆدروم-ی سەر دەریای ئیجە پشووی خۆی بەسەر بردووە.

سەباح نووسیوێتی: “کچەکەی سەرۆکی سووریا بەمدواییانە سەردانی خزمەکانیانی لە ئیستەنبووڵ کردووە و پاشان لەگەڵ هاوڕێکانیدا چووەتە کەناراوەکانی دەریای ئیجە”.

میدیاکانی تورکیا دەڵێن کچە 16 ساڵەکەی ئەسەد لەگەڵ هاوڕێکانی ناسنامەی خۆیانیان شاردۆتەوە و چوونەتە بۆدروم و دەوترێت کە بۆ گەشتەکەیان 6 ئۆتۆمبێلی گرانبەهایان بە کرێ گرتووە.