داعش زنجیرهیەك پهلامار و هێرش له سنوورى خانهقین ئهنجامدهدات
چەکدارێکی داعش
SNN- سیروان حهسهن
له سنوورى قەزای خانهقین له ماوهى یهك كاتژمێردا چهكدارانى داعش چوار كردهوهى تیرۆریستى ئهنجامدهدهن و سێ هاووڵاتى دهڕفێنن و له ناوچهیهكى دیالهش دوو سهرباز دهكوژن.
چهكدارانى داعش شهوى ڕابروو له یهك كاتدا به چهكى هاوهن بۆردوومانى گوندى زهرگوش له ناحیهى سهعدیه و گوندى ئوم حونته له ناحیهى جهلهولا، ناوچهى بهنى وهیس له سنوورى حهمرین دەکەن و تهنیا زیانى ماددى ههبووه.
هاوكات له قهزاى میقدادیه به چهكى ئار بی جى پهلامارى سهربازانى لیواى 74ى سوپاى عێراقى دراوه و بههۆیهوه دوو سهرباز كوژراون.
له لایهكى دیكهوه محهمهد عومهر بهرپرسى كۆمیتهى یهكێتى له قهرهتهپه به SNNى راگهیاند: درهنگانى شهوى رابردوو چهكدارانى داعش ههڵیانكوتایه سهر گوندى سفسافهى سهربه ناحیهى قهرهتهپه له سنوورى قهزاى خانهقین و دواى شهڕوپێكدادان كهسێك بریندار بووه، سێ گهنجیان ڕفاندووه كه یهكێكیان میوان بووه و دوو ئۆتۆمبیلى گوندهكهشیان بردووه.
وتیشى: “له گوندهكه خێزانێكى به ڕهگهز توركمان ههیه كه ههر له دێرزهمانهوه له گهڵ هاووڵاتییانى كوردى ئهو گونده نیشتهجێیه و ئێستا به كێڵگهى ماسیهوه سهرقاڵن له ناوچهكه و دهوڵهمهندن”.
پێشتر چهكدارانى داعش داواى پارهیان لێكردوون و خێزانه توركمانهكهش ئاماده نهبوون پاره بدهن، بۆیه شهوى رابردوو چهكدارهكان ههڵیانكوتایه سهریان”.
