له ئهنجامى پهلامارێكى داعش له ناوچهیهكى كوردنشین ههشت پۆلیس بوونه قوربانى
وێنە: getty
SNN-سیروان حهسهن
له ئهنجامى پهلامارى چهكدارانى داعش بۆ سهر هێزێكى پۆلیس له ناوچهى كاكهییهكانى سنوورى قهزاى داقوق چوار پۆلیس كوژران و چوار پۆلیسیش برینداربوون.
ئیدریس عادل جێگری بەرپرسی مەڵبەندی کەرکوک به SNNى راگهیاند: درهنگانى شهوى رابردوو له گوندى “عارهب كۆیی” كه دهكهوێته ناوچهى كاكهییهكان چهكدارانى داعش پهلامارى هێزێكى پۆلیسى فیدراڵى سهر به لیواى 20یان داوه.
وتیشى: له ئهنجامى ئهو پهلاماره چوار پۆلیس كوژراون و چوار پۆلیسى دیكهش برینداربوون و دواى پهلامارهكهش چهكدارهكان ههڵهاتوون.
چهكدارانى داعش له ناوچه كێشه لهسهرهكان له سنوورى خانهقین و خورماتوو بۆ كهركووك و ناوچهكانى دیكه دهستیان كردووهتهوه به چالاكییهكانیان و ههر شهوى رابردوو نزیكهى حهوت كردهوهى تیرۆریستیان لهو ناوچانه ئهنجامداوه.
وێنەی یەکێک لەو پۆلیسانەی کە کوژراون
