تەندروستی هەرێم: 18 تووشبووی کۆرۆنا گیانیانلەدەستداوە

SNN

وەزارەتی تەندروستیی حکومەتی هەرێمی کوردستان، ئاماری 24 کاتژمێری کۆرۆنا بڵاودەکاتەوە و تێیدا  677 کەس تووشی کۆرۆنا بوون و 18 کەسیش گیانیان لەدەستداوە و 312 کەسیش لە ڤایرۆسەکە چاکبوونەتەوە.

هەر لە ئامارەکەی هەرێمدا هاتووە، کۆی ژمارەی تووشبووان بە ڤایرۆسی کۆرۆنا گەیشتۆتە 25 هەزار و 929 کەس، لەو ژمارەیە 947 کەس گیانیان لەدەستداوە و 15هەزار و 494 کەسیش لە ڤایرۆسەکە چاکبوونەتەوە.

سەبارەت بە ئاماری مردن ئەمڕۆ شەش کەس لە هەولێر، حەوت کەس لە سلێمانی، پێنج کەس لە دهۆک گیانیان لەدەستداوە.

هەروەها 343 تووشبوو لە هەولێر، 91 تووشبوو لە سلێمانی، 33 تووشبوو لە گەرمیان، 194 تووشبوو لە دهۆک،  16 تووشبوو لە هەڵەبجە تۆمارکراون.