میسی هەمووان بێدەنگ دەکات

SNN Sport

میسی ئەستێرەی یانەی بەرشەلۆنە، بە بڕیارێک کە لە رۆژانی داهاتوو دەیدات، هەمووان بێدەنگ دەکات و یانەی بەرشەلۆنە جێدەهێڵێت.

چەند رۆژنامەنووسێکی نزیک لەو یاریزانە  ئەمڕۆ بڵاویانکردووەتەوە، میسی پێی راگەیاندوون لە یانەی بەرشەلۆنە بەردەوام نابێت.

رۆژنامەنووس مارتن سۆتۆ لە کەناڵی (tyc sport)ی ئەرجەنتینی بەیانی ئەمڕۆ رایگەیاندووە، میسی لە هەموو کات زیاتر لە چوون لە یانەی بەرشەلۆنە نزیکبووەتەوە.

ئەمە لە کاتێکدایە ، لە ئێستادا کومانی راهێنەری بەرشەلۆنە گلۆپی سەوزی بۆ چوونی چوار یاریزانی دیاری یانەکە هەڵکردووە کە نزیکترین هاوڕێی میسی تێدایەو ئەویش لویس سوارێزە، بەڵام ئامادەیی بۆ مانەوەی میسی دووپاتکردووەتەوەو رایگەیاندبوو شانازی دەکات مەشق و راهێنان لە یانەی بەرشەلۆنە بە میسی بداتەوە.

میسی نیگەرانە لە ئیدارەی یانەکەی و چەند جارێک هێرشی تووندی کردبوونە سەروو ئەوەش هۆکارێکی سەرەکییە بۆ چوون لەم یانەیە.

میسی لە 30ی حوزەیرانی ساڵی 2021 گرێبەستی لەگەڵ یانەی بەرشەلۆنە کۆتایی دێت و 6 مانگ پێش ئەو بەروارە دەتوانێت گفتوگۆ لەگەڵ هەر یانەیەک بکات کە دەیەوێت.

بە قسەی رۆژنامەکانیش ئەگەر بیەوێت بەرشەلۆنە جێبهێڵێت، نزیکترین یانە لەو یاریزانەوە یانەکانی پاریس سانجێرمان، مانچستەرسیتی و ئینتەرمیلانە.