ئاسایشی سلێمانی تاوانبارێک دەستگیر دەکات
وێنەی تاوانبارەکە
هێزەکانی ئاسایشی سلێمانی کەسێک دەستگیر دەکەن کە ئافرەتێکی بەپەت خنکاندووە و دواتر داوێتی لەکارەبا تا دڵنیابێتەوە لەوەی گیانی دەرچووە.
لەڕاگەیەنراوێکدا ئاسایشی سلێمانی ئاشکرایکردووە “پاش ئەوەى لەڕۆژى 3/5/2020 هەواڵى کوشتنى ئافرەتێکیان پێگەیشتووە، دەستبەجێ دەستیان کردووە بەکۆکردنەوەى زانیارى ورد پاش وەرگرتنى ڕەزامەندى بەڕێز دادوەرى لێکۆڵینەوە توانیان لە ڕۆژى 4/5/2020 کەسێک دەستگیر بکەن بەپێى ماددەى (406) لەیاسای سزادانى عێراقى”.
کەسەکە ناوسی (م، ج، ڕ)یە و لەدایکبووى ساڵى 1992ە دواى لێکۆڵینەوە دانى ناوە بەتاوانەکەیدا کە هەستاوە بە کوشتن و خنکاندنى ژنێک بەپەت لەسەر کێشەى کۆمەڵایەتى بەناوى (گ، ح، ع) لەدایکبووى ساڵى 1991 لەماڵى تاوانلێکراو”.
رووداوەکە لەگوندى فەیاڵى سەر بەشارى سلێمانى روویداوە، کەسە تۆمەتبارەکە دوای خنکاندن، تەرمی ئافرەتەکەى داوە لە کارەبا بۆئەوەى دڵنیا بێتەوە لەکۆشتنى، دوای لێکۆڵینەوە ڕووبەڕووی یاسا کراوەتەوە.
