ئەفغانستان.. بەهۆی لافاوەوە نزیکەی 70 کەس گیانیانلەدەستدا

SNN

لافاو و باو و بۆران لە شاری کابوڵ-ی پایتەختی ئەفغانستان سەدان ماڵ وێران دەکات و 46 کەسیش دەکوژێت، تائێستاش قوربانی لەژێر داروپەردووە رووخاوەکاندا ماون و رزگار نەکراون.

دەسەڵاتدارانی شاری کابوڵ دەڵێن: “تیمەکانی فریاکەوتن بەردەوامن لە هەوڵەکانیان بۆ دۆزینەوە و رزگار کردنی قوربانیانی باراناو و لافاوەکە کا بەدرێژایی شەوی رابردوو بەردەوام بووە”.

لافاوەکە زیاتر ناوچەی شاریکاری پایتەختی ویلایەتی باروانی گرتۆتەوە لە باکووری شاری کابوڵ و دانیشتوانە زەرەرمەندەکە داوای بەهاناوەچوونی زیاتر دەکەن.

وەزارەتی تەندروستیی ئەفغانستان رایگەیاندووە “زیاتر لە 46 کەس بەهۆی ئەو لافاوەوە گیانیانلەدەستداوە و نزیکەی 100 کەسیش بریندار بوون”.

لای خۆیەوە وەحیدە شاهکار وتەبێژی پارێزگای کابوڵ وتی: “ژمارەی قوربانیان لە بەرزبوونەوەدان و بەپێی ئامارە سەرەتاییەکان زیاتر لە 500 ماڵ رووخاون”.

پێشتریش و هەر لەم مانگەد 16 کەس گیانیان لەدەستدا کە 15 یان منداڵ بوون کاتێک گەردەلوول و باراناو دەیان ماڵی کاول کرد لە گوندێکی نزیک ویلایەتی نەنگرهار لە خۆرهەڵاتی ئەفغانستان.