ئەمریکا زیاتر لە 20 کۆمپانیای چینی دەخاتە لیستی رەشەوە
سهرۆكى ئهمریكا و سهرۆكى چین | فۆتۆ: GETTY IMAGES
SNN
حکومەتی واشنتن رایگەیاند، سزایان بەسەر 24 کۆمپانیا حکومی و کەسایەتی دامەزراوەکانی کۆماری چیندا سەپاندوە کە لەڕێگای گروپ و کۆمپانیاکانی دیکەی سەربەخۆیانەوە رۆڵیان هەبووە لەدروستکردنی دورگەی دەستکرد لەئاوەکانی جێناکۆک لەدەریای باشووری چین.
ههروهها بەگوێرەی ههواڵهكانی میدیاکانی ئهمڕۆی ئەمریکا، ئەو هەنگاوە دواین هەوڵەکانی واشنتنە بۆ دروستکردنی فشار لەسەر پەکین بەهۆی کۆکردنەوەی هێزی سەربازی وڵاتەکەی لەناوچە جێناکۆکەکانی دەریای باشووری چین کە لەلایەن چەندین وڵاتەوە ململانێی لەسەر دەکرێت.
له بارهی دروستکردنی دورگەی ناسروشتی و لەناوچە جێناکۆکەکان مایک پۆمپیۆ وەزیری دەرەوەی ئەمریکا رایگەیاند: لەساڵی 2013-ەوە کۆماری چین کۆمپانیا حکومییەکانی خۆی بەکارهێناوە بۆ هەڵکۆڵین و کۆنترۆڵکردنی زیاتر لە سێ هەزار دۆنم لەناوچە ئاوییە ناکۆکی لەسەرەکان، بەوهۆیەشەوە ئارامی ناوچەکەیان تێکداوە و کارەساتی گەورەی مرۆییان دروستکردوە.
