یانەی بەرشەلۆنە بە تووندی وەڵامی میسی دەداتەوە

SNN Sport

یانەی بەرشەلۆنەی ئیسپانی وەڵامێکی تووندی میسی دەداتەوە و نایەوێت بۆ هیچ شتێک گفتوگۆی لەگەڵ بکات.

بە پێی زانیاری میدیاکانی ئیسپانیا،سەرۆکی یانەی بەرشەلۆنە بارتۆمیۆ ، رەتیکردووەتەوە هیچ گفتوگۆیەک لەگەڵ میسی بکات لەسەر رۆشتنی ئەو یاریزانە  لە یانەکە، ئەو سەرۆکە بە هیچ شێوەیەک  بە فرۆشتنی میسی بە کەمتر لە 700 ملیۆن یۆرۆ  رازی نابێت، هێشتا ئەو وای دەبینێت میسی بەشێکی گرنگ و سەرەکییە لە پرۆژەی نوێی رۆناڵد کومانی راهێنەری یانەکە.

هەروەها بارتۆمیۆ بڕیاریداوە تەنیا لە سەر  نوێکردنەوەی گرێبەستەکەی نەبێت، هیچ گفتوگۆیەک لەگەڵ میسی نەکات.

میسی گرێبەستی تا هاوینی 2021 هەیە، نرخی هەڵوەشانەوەی 700 ملیۆن یۆرۆیە، ئەگەر ئەستێرە ئەرجەنتینیەکە بیەوێت بەرشەلۆنە جێبهێڵێت، دەبێت یانەکەی بە هەڵوەشانەوەی گرێبەستەکەی رازی بکات.