سێ مووشەک لە ناوچەی سەوزی بەغدا کەوتە خوارەوە
SNN
راگەیاندنی شانەی ئەمنی عێراقی رایگەیاند: کەمێک لەمەوبەر سێ مووشەک لە ناوچەی سەوزی بەغدا کەوتۆتە خوارەوە.
ئەو مووشەکانی لە ناوچەی سەوزی بەغدا کەوتوونەتە خوارەوە لە جۆری کاتیۆشا بوون و هەر مووشەکێک کەوتۆتە ناوچەیەکی جیاواز، بەبێ بوونی هیچ زیانێکی گیانی دوای هێرشە مووشەکییەکە.
هەر بەپێی زانیارییەکان ئەو مووشەکانە لە ناوچەی بێجی رۆژئاوای بەغداوە ئاراستەی ناوچەی سەوز کراوە.
ناوبەناو هێرشی مووشەکی دەکرێتەسەر ناوچەی سەوز و ناوچەکانی نزیک لە بنکە سەربازییەکانی ئەمریکا، ئەمریکا بەشێک لە هێزەکانی حەشدی شەعبی کە نزیکن لە ئێرانەوە بە ئەنجامدانی ئەو هێرشانە تۆمەتباردەکات.
